Արաբկիրի թաղապետարանում մարդ չկա. թաղապետն ու փոխթաղապետը նույն մարդն է. Հրապարակ

Օրեր առաջ Երևանի Արաբկիր վարչական շրջանի ղեկավար Արամ Ազատյանի խափանման միջոցը տնային կալանքից փոխվել է կալանքի։  Արամ Ազատյանի փաստաբան Արթուր Պիվազյանը «Հրապարակ»-ի հետ զրույցում նշել է, որ Ազատյանին Վերաքննիչը կալանավորել է 2 ամիս ժամկետով, իրենք որոշումը բողոքարկել են Վճռաբեկ դատարան, դեռեւս տեղեկություն չունեն՝ բողոքը ընդունել-չընդունելու վերաբերյալ:

Անդրադառնալով Ազատյանի դիրքորոշմանը մեղադրանքի վերաբերյալ, նշեց․ «Պարոն Ազատյանն ասում է, որ բոլոր առաջադրված մեղադրանքներն անհիմն են, որեւէ հիմնավորում չկա»։

Ըստ փաստաբանի՝ Ազատյանի դեմ ցուցմունք չկա։ 

Պիվազյանը չցանկացավ խոսել թաղապետի տնային կալանքը կալանքի փոխարինելու, քրեական գործի մանրամասների մասին․ «Չեմ կարող խոսել հանգամանքների մասին, նախաքննության գաղտնիքի խնդիր կա, համ էլ պարոն Ազատյանի համաձայնությունը չունեմ, որ խոսեմ»։

Մինչ Վերաքննիչ քրեական դատարանը կալանավորում է Արամ Ազատյանին, վերջինս շարունակում է ի պաշտոնե համարվել Արաբկիր վարչական շրջանի ղեկավարը։ Երեւանի քաղաքապետարանից մեզ փոխանցեցին, որ Արամ Ազատյանը համարվում է ղեկավարի պաշտոնը զբաղեցնողը, քանի որ չկա դատարանի վերջնական վճիռը։

Մեզ նաեւ փոխանցեցին, որ աս պահին ղեկավարի պարտականությունները կատարում է նրա տեղակալ Սուրեն Վարոսյանը, որը նաեւ փոխթաղապետն է։

Ի դեպ,  վարչական շրջանում փոխթաղապետ չի մնացել, քանի որ այս գործի շրջանակում ձերբակալված են նաեւ նրա երկու տեղակալները՝ Գեղամ Կարապետյանն ու Դավիթ Բալասանյանը։

Նշենք, որ Արաբկիրի վարչական շրջանի ղեկավարի պաշտոնատար անձանց կաշառքի գործով մեղադրանք է առաջադրվել նաև «Pink berry»-ի սեփականատեր Լևոն Սաֆարյանին։ 

Հիշեցնենք, որ  ՔԿ-ն ԱԱԾ աշխատակիցների օժանդակությամբ Արաբկիրի թաղապետարանում իրականացրել էր գործողություններ, որոնց հետեւանքով բերման էին ենթարկվել թաղապետ Արամ Ազատյանը, նրա տեղակալներ Գեղամ Կարապետյանն ու Դավիթ Բալասանյանը։ Նրանք ձերբակալվել էին։

Խուզարկությունը կապված էր գնումների ընթացքում չարաշահումների, փողերի յուրացման, կաշառք ստանալու, պաշտոնեական դիրքի չարաշահման և փաստաթղթեր կեղծելու կասկածանքի հետ:

Այս թեմայով Գրանցվել է 40 ավտովթար. զոհվել է 2, վիրավորվել՝ 63 մարդ Իսրայելի՝ Լիբանանին հարվածի հետևանքով՝ 100 մարդ է զոհվել, 400 մարդ վիրավորվել է «Նույն հայհոյանքները դատախազն ասաց նոր, մեր դեպքում հանցագործություն է, իրենց դեպքում`ո'չ». Սամսոնյան (տեսանյութ) Իշխանությունը քանդում է ամեն ինչ, թիրախում ԶԼՄ-ներն են. Հովհաննես Շահինյան (տեսանյութ) Իշխանությունը քանդում է ամեն ինչ, թիրախում ԶԼՄ-ներն են. Հովհաննես Շահինյան (տեսանյութ)