Խոշոր ու ողբերգական ավտովթար՝ Նուբարաշեն-Մասիս ճանապարհին․ կա 1 զոհ, 3 վիրավոր

Այսօր՝ սեպտեմբերի 2-ին, խոշոր ու ողբերգական ավտովթար է տեղի ունեցել Երևանում։ Ժամը 20։40-ի սահմաններում Նուբարաշեն-Մասիս ավտոճանապարհի 5-րդ կմ հատվածում բախվել են «Opel Zafira» և «Opel Astra» մակնիշի ավտոմեքենաները։

Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով 1 հոգի տեղում մահացել է, 3 հոգի տեղափոխվել են Երևանի տարբեր հիվանդանոցներ։

Վիրավորներին առաջինն օգնության են հասել քաղաքացիները և օպերատիվորեն ժամանած ՀՀ Ներքին գործերի նախարարության Փրկարար ծառայության հատուկ նշանակության փրկարարական աշխատանքների իրականացման կենտրոնի թիվ 15 փրկարարական ջոկատի փրկարարները։

Փրկարարները օգտագործել են հատուկ տեխնիկա՝ վիրավորներից 2-ին ավտոմեքենաներից դուրս բերելու համար։

Ժամանել են նաև Երևանի թիվ 4-րդ հրշեջ-փրկարարական ջոկատից 1 մարտական հաշվարկ։

Օպերատիվ են գործել շտապօգնության բժիշկների հերթապահ խմբերը և փրկարարները վիրավորներին պատգարակներով մոտեցրել են շտապօգնության ավտոմեքենաներին, բժիշկներն էլ, մինչ հիվանդանոցներ տեղափոխելը, վիրավորներին տեղում առաջին բուժօգնություն են ցուցաբերել, որից հետո փրկարարները հոսանքազրկել են ավտոմեքենաները և փակել գազաբալոնների փականն ու այս պահին էլ տեղում իրականացնում են հերթապահություն։

Տեղում պարեկները օպերատիվ տեղեկություններ են ստացել, որ վթարի հետևանքով 1 հոգի դեպքի վայրից ոչ թե հիվանդանոց է մեկնել, այլ տուն, որտեղ էլ նրա ինքնազգացողությունը վատացել է ու պարեկները ահազանգել են շտապօգնություն և ժամանած բժիշկների հերթապահ խումբը դեպքի վայրից՝ վաշտի հրամանատար Վահագն Խառատյանի ուղեկցությամբ մեկնեց այդ վիրավորի բնակության վայր, որտեղից տեղեկացան, որ նրան նույնպես տեղափոխել են հիվանդանոց։

Վթարի փաստով քննչական բաժնում նախաձեռնվել է քրեական վարույթ, որտեղ էլ պարզվում են վարորդների, մահացածի և վիրավորի ինքնությունը։

Այս թեմայով Կապան-Վերին Խոտանան ճանապարհին բախվել են «Toyota»-ն և «Iveko»-ն. 2 հոգի տեղափոխվել է հիվանդանոց Բախվել են «Օպել»-ն ու բեռնատարը. վիրավորը հիվանդանոցում մահացել է Խոշոր ավտովթար՝ Երևանում․ «Lexus»-ը կողաշրջվել է Խոշոր հրդեհ` Երևանի թիվ 185 հիմնական դպրոցում. փայտագործության դասասենյակը վերածվել է մոխրակույտի Սևան-Մարտունի-Գետափ ճանապարհին մեքենա է այրվել