Ոսկեպարցիների 9 կով հայտնվել է սահմանակից, ականապատ դաշտում, 3 կով վիրավորվել է ականների պայթյունից

Լրագրող Ոսկան Սարգսյանը ահազանգում է․

«Օգոստոսի 31-ի ուշ երեկոյան Ոսկեպար գյուղի 3 բնակչի պատկանող 9 կով հայտնվել է Ադրբեջանին սահմանակից, Ոսկեպար-Կիրանց նախկին, այժմ չգործող ճանապարհին կից գտնվող ականապատ դաշտում։ Անասնատերերից տեղեկացա, որ 9 կովերից 2-ը բարեհաջող դուրս են եկել փշալարով ցանկապատված , ականապատ դաշտից, 3-ը վիրավորվել են հակահետևակային ականների պայթյուններից․ 4 կով դեռևս գտնվում է ականապատ դաշտում։ 

Անասնատերերը հայտնեցին,որ Ոսկեպարից դեպի Կիրանց տանող այդ հատվածում սահմանազատում չի իրականացվել»։