Վրաստանի խորհրդարանի խոսնակը հայտարարել է՝ նախագահի փոխարեն ինքը կստորագրի «օտարերկրյա գործակալների մասին» օրենքը
Տեսանյութեր
Վրաստանի խորհրդարանի նախագահ Շալվա Պապուաշվիլին հայտարարել է, որ ինքը կստորագրի «օտարերկրյա գործակալների մասին» օրենքը, քանի որ չի ակնկալում, որ նախագահ Սալոմե Զուրաբիշվիլին կստորագրի այն։ Պապուաշվիլիի խոսքերը հայտնում է ՏԱՍՍ-ը։
«Օրենքը երեկ ուղարկվել է նախագահի աշխատակազմ։ Հիմա սպասում ենք ստորագրությանը։ Հասկանալի է, որ մեծ հավանականությամբ՝ չի ստորագրի։ Ըստ այդմ՝ ես կստորագրեմ այս օրենքը»,- ասել է նա։
Մայիսի 29-ին քաղաքագետ Առնո Խիդիրբեգիշվիլին հայտարարեց, որ Վրաստանում օտարերկրյա գործակալների մասին օրենքը «հիստերիա» է առաջացրել Արևմուտքում։ Նման սուր արձագանքը եղավ վրացական իշխանությունների՝ հակառուսական պատժամիջոցներին աջակցելու և երկրորդ ճակատ բացելու դժկամության ֆոնին, ինչի պատճառով՝ օրենքը սկսեց «ռուսական» համարվել։
Մայիսի 28-ին ԱՄՆ Պետդեպարտամենտի մամուլի ծառայության ղեկավար Մեթյու Միլլերը հայտարարել է, որ ամերիկյան իշխանությունները կարծում են, որ Վրաստանում «օտարերկրյա գործակալների մասին» օրենքի ընդունումը կխանգարի հանրապետության եվրաինտեգրմանը։
Զուրաբիշվիլին հեռակա կոչով դիմել է օտարերկրյա գործակալների մասին օրենքի դեմ բողոքի ակցիայի մասնակիցներին և կոչ արել հանրաքվե անցկացնել։
Ամենադիտված 
Հունվարից երևանցին վճարելու է ամենաթանկ սակագինը տրանսպորտային երթևեկության համար
