ԱՄՆ կոնգրեսականը մեղադրվում է Ադրբեջանից կաշառք ստանալու մեջ

Ամերիկացի կոնգրեսական Էնրիկե Ռոբերտո Կուելյարին և նրա կնոջը՝ Իմելդային, մեղադրանք է առաջադրվել ադրբեջանական նավթագազային ընկերությունից և մեքսիկական բանկից կաշառք ստանալու մեջ, հայտնում է ԱՄՆ արդարադատության նախարարությունը։

Կուելյարն ու նրա կինը այսօր ներկայացել են իրենց առաջին դատական ​​նիստին։

Գործի նյութերի համաձայն՝ առնվազն 2014 թվականի դեկտեմբերից մինչև 2021 թվականի նոյեմբեր ընկած ժամանակահատվածում կոնգրեսականը և նրա կինը մոտ 600 հազար դոլար կաշառք են ստացել Ադրբեջանի պետական ​​նավթագազային ընկերությունից (SOCAR), ինչպես նաև Մեխիկոյում գտնվող բանկերից մեկից։

Ենթադրվում է, որ կաշառքները լվացվել են գոյություն չունեցող խորհրդատվական պայմանագրերի շրջանակում Իմելդա Կուելյարի անունով բացված մի շարք դրածո ընկերությունների միջոցով:

Դրա դիմաց նա համաձայնել է զբաղվել Ադրբեջանի քաղաքականության, ինչպես նաև մեքսիկական այդ բանկի շահերի լոբբինգով։

Կոնգրեսականին և նրա կնոջը սպառնում է մինչև 20 տարվա ազատազրկում։