Նոր եկեղեցու հիմնարկեք` Մասիս համայնքում (տեսանյութ)
ՀասարակությունՄասիս խոշորացված համայնքում մի նոր եկեղեցի է կառուցվում, որը կանվանակոչվի Հայոց Հայրապետի՝ Սուրբ Ներսես Շնորհալի կաթողիկոսի անվամբ։ Մասիսի Գեղանիստ բնակավայրում մեծ շուքով կազմակերպվել էր կառուցվող եկեղեցու հիմնարկեքի արարողությունը` Մասյացոտնի թեմի առաջնորդ Տեր Գևորգ եպիսկոպոս Սարոյանի ձեռամբ։
Նույն գյուղի բնակիչների ջանքերով է կառուցվելու եկեղեցին, շուտով Մասիսի Դարբնիկ եւ Նոր Կյուրին բնակավայրերում ավարտին կհասցվի տասնյակ տարիներով կառուցվող եկեղեցիների շինաշխատանքը և բնակիչները կունենան իրենց հոգեւոր անկյունն ու աղոթքի հավաքատեղին։ Այս մասին ասել է Մասիս խոշորացված համայնքի ղեկավար Դավիթ Համբարձումյանը՝ ընդգծելով եկեղեցու դերն ու նշանակությունը հատկապես այս դժնդակ և ճակատագրական օրերին։
«2020 թվականից սկսած և Հայաստանի շուրջ ծավալվող թշնմաու հարձակումներին ու հայկական տարածք թշնամու զորքի ներխուժման փորձերին կարող ենք հայկական ներուժը միավորելով դիմադրել ու մեր ինքնությունը չկորցնել միմիայն եկեղեցու օգնությամբ»,- ասել է Դավիթ Համբարձումյանը՝ դրականորեն գնահատելով Տավուշում սկիզբ առած գյուղերը հայկական պահելու հանրային շարժումը։
Նրա խոսքով՝ պայքարի լավագույն միջոցը միասնականությունն է և եկեղեցին հզորացնելը. «Հայաստանի նկատմամբ ադրբեջանաթուրքական մասնատողական քաղաքականությանը, մեր նկատմամբ զավթողական և բնաջնջման հեռաահար նպատակադրվածության դեմ պայքարելու լավագույն միջոցներից մեկը մեր կուռ միասնականությունն է, և լավագույն ձեևերից մեկը Հայ Առաքելական եկեղեցին զորացնելն է ու եկեղեցիների կառուցումը՝ բնակավայրերում։ Մենք մեր ուժն ու միասնակնությունը պիտի հավատով և ուժով ցույց տանք թշնամուն։ Մենք չենք կարող համակերպվել մեր շուրջ կատարվողի հետ, յուրաքանչուր հայ պիտի այսօր գործի ու իր դիմադրությունը ցույց տա այս գործընթացների դեմ, մենք չենք ոչնչանա, ուղղակի մեզ միավորվել է պետք և հաղթել սրիկաներին»,- ասել է Դավիթ Համբարձումյանը:
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
