Թբիլիսիում վերսկսվել են «Օտարերկրյա գործակալների մասին» օրենքի դեմ ցույցերը (տեսանյութ)

Վրաստանի ոչ կառավարական կազմակերպությունների, ընդդիմադիր կուսակցությունների անդամներն ու շարքային քաղաքացիները Թբիլիսիի կենտրոնում ցույց են անցկացնում՝ ընդդեմ «Օտարերկրյա գործակալների մասին» օրենքի, հայտնում է «ՌԻԱ Նովոստի»-ն։

Ակտիվիստները հավաքվել են մայրաքաղաքի կենտրոնի Հանրապետության հրապարակում, իսկ ավելի ուշ նախատեսվում է երթ դեպի Ռուսթավելի պողոտայում գտնվող Վրաստանի խորհրդարանի շենք։ Ցուցարարները վանկարկում են «Ո՛չ ռուսական օրենքին»։

Ավելի վաղ՝ Վրաստանի խորհրդարանը մեծամասնությամբ և առաջին ընթերցմամբ ընդունել էր «Օտարերկրյա ազդեցության թափանցիկության մասին» օրինագիծը։ Խորհրդարանական ընթացակարգերին զուգահեռ Թբիլիսիում շարունակվում են օրենքի դեմ բողոքի ակցիաները։

Խորհրդարանն այժմ պետք է օրինագիծը քննարկի երկրորդ ընթերցմամբ հանձնաժողովում և լիագումար նիստում։ Օտարերկրյա գործակալների մասին օրենքի հանձնաժողովային և լիագումար քննարկումը կշարունակվի հաջորդ շաբաթ։