Բրիտանացի պատգամավորները կարող են հեռացնել Սունակին․ Financial Times

Մեծ Բրիտանիայի իշխող «Պահպանողական կուսակցության» մի քանի անդամներ պատրաստվում են պաշտոնանկ անել վարչապետ Ռիշի Սունակին՝ մայիսի 2-ին կայանալիք մունիցիպալ, տեղական և տարածաշրջանային ընտրություններից հետո: Այս մասին հայտնում է Financial Times-ը։

«Ինչպես ցույց են տվել հարցումները և ֆոկուս խմբերի ուսումնասիրությունները, Ռիշին ոչինչ չի անում: Խոսքը ոչ թե քաղաքականության, այլ մարդկանց մասին է: Մարդիկ նրան պարզապես չեն սիրում»,- ասել է պատգամավորը։

Ավելի վաղ The Telegraph-ը հայտնել էր, որ Մեծ Բրիտանիայի ներկայիս վարչապետ Ռիշի Սունակի «Պահպանողական կուսակցությունն» առաջիկա ընտրություններում աղետալի պարտություն է կրելու։

Հետազոտությունը, որին մասնակցել է 14,000 մարդ, կանխատեսում է, որ վերջիններս կպահպանեն ընդամենը 169 տեղ խորհրդարանում, մինչդեռ Քիր Սթարմերի ընդդիմադիր «Լեյբորիստական կուսակցությունը»  կստանա 385 մանդատ։