Կայծակի հարվածից հետո 40 րոպե սրտի կանգ ունեցած տղամարդը փրկվել է ու ամբողջությամբ ապաքինվել

Կորեայի Հանրապետությունից մի տղամարդ, ում ամպրոպի ժամանակ կայծակը հարվածել է, 40 րոպեանոց սրտի կանգից հետո ողջ է մնացել և լիովին ապաքինվել։ Այս մասին հայտնում է The Korea Times-ը։

Կայծակը օգոստոսի 5-ին հարվածել է ծառին, որի մոտով քայլում էր 29-ամյա ուսուցիչ Կիմ Կվանխենը։ Երիտասարդն անմիջապես կորցրել է գիտակցությունը։ Շուտով նրան հայտնաբերել է մի անցորդ և շտապօգնություն կանչել։

Կվանխենը տեղափոխվել է հիվանդանոց, սակայն նրա սիրտը չէր բաբախում արդեն 40 րոպե։

«Քանի որ նրա թոքերը և սիրտը շատ վատ վիճակում էին սրտի երկար կանգի պատճառով, մենք անկեղծորեն կարծում էինք, որ ոչ մի հնարավորություն չկա», - խոստովանել է տղամարդուն բուժող բժիշկներից մեկը։

Վերակենդանացման միջոցառումների շնորհիվ Կվանխենի սրտի աշխատանքը հաջողվել է վերականգնել։ Կայծակի հարվածից 10 օր անց նա կարողացել է ինքնուրույն շնչել։

Տղամարդն ասել է, որ բժիշկներն իրեն երկրորդ կյանք են տվել և նրանց նվիրաբերել 10 միլիոն վոն:

Աղբյուր` Փաստինֆո

Այս թեմայով Թաիլանդում տղամարդը չկարողանալով շահել իր հավանած աղջկա սիրտը՝ դանակահարել է նրա եղբորը Տղամարդը հողային քանդման աշխատանքներ կատարելիս գործիքով բախվել է էլեկտրալարին ու այրվածքներ ստացել Հոկտեմբերի 2-ից այս վայրը կլինի ամբողջությամբ ձյունապատ․ Գագիկ Սուրենյան Այս տարի սրտի համաշխարհային օրվա կարգախոսն է՝ «Օգտագործի՛ր սիրտը գործողության համար» Նասրալլայի մահից հետո Իրանի գերագույն և հոգևոր առաջնորդը տեղափոխվել է անվտանգ վայր. Reuters