Անդրանիկ Քոչարյանը գործուղվում է Մոնրեալ․ կմասնակցի ՆԱՏՕ-ի խորհրդարանական վեհաժողովի նստաշրջանին

ԱԺ նախագահ Ալեն Սիմոնյանը Մոնրեալ գործուղելու մասին կարգադրություն է ստորագրել․

«Ղեկավարվելով «Հայաստանի Հանրապետության Ազգային ժողովի պատգամավորի գործունեության երաշխիքների մասին» օրենքի 5-րդ հոդվածի 5-րդ մասով, Հայաստանի Հանրապետության աշխատանքային օրենսգրքի 209-րդ հոդվածով` կարգադրում եմ.

1. ՆԱՏՕ-ի խորհրդարանական վեհաժողովի տարեկան նստաշրջանին մասնակցելու համար 2024 թվականի նոյեմբերի 21-26-ը Մոնրեալ (Կանադա) գործուղել ՆԱՏՕ ԽՎ-ում Ազգային ժողովի պատվիրակության ղեկավար, Ազգային ժողովի պաշտպանության եւ անվտանգության հարցերի մշտական հանձնաժողովի նախագահ Անդրանիկ ՔՈՉԱՐՅԱՆԻՆ, պատվիրակության անդամներ, Ազգային ժողովի պատգամավորներ Արուսյակ ՋՈՒԼՀԱԿՅԱՆԻՆ, Վահագն ԱԼԵՔՍԱՆՅԱՆԻՆ, ինչպես նաեւ պատվիրակության քարտուղար, Ազգային ժողովի աշխատակազմի արտաքին կապերի վարչության միջազգային կազմակերպությունների բաժնի գլխավոր մասնագետ Զաբելա ՂԱԶԱՐՅԱՆԻՆ:

2. Ազգային ժողովի աշխատակազմի ղեկավար-գլխավոր քարտուղար Դ. ԱՌԱՔԵԼՅԱՆԻՆ՝ գործուղման հետ կապված ծախսերը` ճանապարհածախսը, օրապահիկը, ինչպես նաեւ գիշերավարձը՝ ըստ փաստացի կատարած ծախսերը հավաստող փաստաթղթերի, կատարել Հայաստանի Հանրապետության 2024 թվականի պետական բյուջեով Ազգային ժողովին այդ նպատակի համար հատկացված միջոցների հաշվին՝ հաշվի առնելով Հայաստանի Հանրապետության Ազգային ժողովի նախագահի 2018 թվականի մայիսի 1-ի «Հայաստանի Հանրապետության Ազգային ժողովի պատգամավորների եւ Հայաստանի Հանրապետության Ազգային ժողովի աշխատակազմի աշխատողների գործուղումների կազմակերպման եւ գործուղման ծախսերի հատուցման կարգը հաստատելու մասին» Կ-127-Ա կարգադրության պահանջները»,- ասվում է որոշման մեջ։ 

Այս թեմայով Լիտվացի փորձագետները ՀՀ-ում քննարկել են անձնագրայինում մատուցվող ծառայությունների վերահսկողությունը 251 մլն դրամ հատկացվել է քաղաքապետարանի որոշ պաշտոնյաների համար 21 հատ էլեկտրոմոբիլ գնելուն․ ավագանու անդամ ՆԱՏՕ-ի նախկին գլխավոր քարտուղարի դեմ դատական ​​հայց է ներկայացվել ՀԱՊԿ խաղաղապահ ուժերը զորավարժությունների ժամանակ մարդասիրական առաքելություն են կատարել Հայաստանը սկսել է ևս 84 միավոր ATAGS կայանքների գնման գործընթացը. IDRW