Մասնագետը նշել է քնի համար իդեալական ջերմաստիճանը

Ննջասենյակում օդի ջերմաստիճանը պետք է լինի մոտ 18-20 աստիճան ցելսիուս։ Այս մասին РИАМО-ին տված հարցազրույցում նշել է Մոսկվայի աշխատանքի և սոցիալական պաշտպանության դեպարտամենտի «Բուտովո» վերականգնողական կենտրոնի տնօրեն Օլգա Ավանովան։

Մասնագետը պարզաբանել է, որ գիշերային հանգստի ժամանակ մարդու մարմինը գտնվում է հանգստի վիճակում, իսկ մարմնի ջերմաստիճանը նվազում է 1-2 աստիճանով։ Հետեւաբար, կարեւոր է սենյակը սառը պահել: Առողջ քնի համար Ավանովան նաև խորհուրդ է տվել ուշադիր ընտրել ներքնակը և 10 օրը մեկ փոխել անկողնային սպիտակեղենը, ինչը թույլ կտա պահպանել քնի հիգիենան:

«Ննջասենյակում ստեղծեք խաղաղության և լռության մթնոլորտ. օգտագործեք ականջակալներ կամ հատուկ վարագույրներ, որոնք կօգնեն խլացնել փողոցի աղմուկը: Եթե ​​ձեր քնելու ժամը չի համընկնում ձեր սիրելիների քնի ժամի հետ, ապա խնդրեք նրանց երեկոյան բարձր չխոսել»,- հավելել է մասնագետը։