Եվրոպան կանխատեսում է գազի գնի անկում

2024 թվականի վերջին Եվրոպայի խոշորագույն TTF հանգույցում՝ Նիդեռլանդներում, 1,000 խորանարդ մետր բնական գազի միջին արժեքը 18 տոկոսով ցածր կլինի 2023 թվականի համեմատ: Հայտնում է ՏԱՍՍ-ը՝ հղում անելով Միջազգային էներգետիկ գործակալության (ՄԷԳ) վերլուծաբանների կանխատեսմանը։Փորձագետներն ակնկալում են, որ TTF գազի միջին գինն այս տարի կկազմի մոտ 11 դոլար՝ մեկ միլիոն բրիտանական ջերմային միավորի համար, կամ մոտ 394 դոլար՝ 1,000 խորանարդ մետրի համար։ 2025 թվականին վերլուծաբանները կանխատեսում են գազի գնի աճ Եվրոպայում 18 տոկոսով, իսկ Ասիայում՝ 14 տոկոսով՝ առաջարկի և պահանջարկի միջև հավասարակշռության խստացման պայմաններում։ Նման դինամիկայի վրա հաջորդ տարի, ըստ ՄԷԳ-ի, կազդի հեղուկ բնական գազի (LNG) մատակարարումների համար եվրոպական և ասիական գնորդների միջև աճող մրցակցությունը: Ինչ վերաբերում է ԱՄՆ-ին, ապա կազմակերպությունը կանխատեսում է գազի գնի նվազում այս երկրում մինչև 2,3 դոլար՝ 1 միլիոն բրիտանական ջերմային միավորի համար (մոտ 82 դոլար հազար խորանարդ մետրի համար) և գների աճ 45 տոկոսով՝ մինչև 3,4 դոլար՝ 1 միլիոն բրիտանական ջերմային միավորի համար։