Կինը արթնացել է աղմուկից և տանը հայտնաբերել դիմակավորված անծանոթի (տեսանյութ)
Տեսանյութեր
Ավստրալիայի Մելբուրնի արվարձաններից մեկի բնակչուհին արթնացել է իր տանը տարօրինակ աղմուկից և հայտնաբերել անհայտ անձի՝ դիմակով և ուսապարկը ձեռքին։ Նա ոչ միայն չի զարմացել այդ անակնկալից, այլև այն տեսանկարահանել է տեսախցիկով։
Կնոջ խոսքով՝ անկոչ հյուրն իր տուն է ժամանել հունվարի 5-ին։ Նրան արթնացրել է միջանցքում կասկածելի աղմուկը, վեր է կացել՝ ստուգելու, թե արդյոք ամեն ինչ կարգին է, և բախվել է մի կասկածելի տղամարդու, ում դեմքը ծածկված էր: Նա հանել է սմարթֆոնը և սկսել նկարահանել ներխուժողին և փորձել է պարզել, թե ինչ է անում նա իր տանը։
Դատելով կադրերից՝ ենթադրյալ ավազակը սկսել է վազվզել տարբեր սենյակներով՝ ելք փնտրելու համար: Արդյունքում՝ անծանոթը դուրս է եկել պատուհանից, մագլցել ցանկապատի վրայով ու անհետացել։
Ոստիկանությունը փնտրում է կասկածյալին։ Ավստրալուհին պնդում է, որ իր տնից ոչ մի իր չի անհետացել, բայց, այնուամենայնիվ, անհանգստացած է անծանոթի ներխուժմամբ:
Ամենադիտված 
Ալիևը վերահաստատել է՝ Թուրքիայի հետ միասին չեն պատրաստվում հանդուրժել ՀՀ-ի գոյությունը որպես պետություն. թյուրքագետ
