Ինչ հետևանքներ ունի արագ սննդի օգտագործումը

Վերամշակված և պատրաստի մթերքների օգտագործումը մեծացնում է մահացու սրտի կաթվածի, ինսուլտի և Պարկինսոնի հիվանդության ռիսկը։ Հետազոտության արդյունքները հրապարակվել են The Lancet Regional Health – Europe ամսագրում:

Հետազոտությանը մասնակցել է 35-ից 74 տարեկան 400 հազար մարդ: Հետազոտողները կենտրոնացել են մասնակիցների սննդակարգի և նրանց օգտագործած ծայրահեղ վերամշակված մթերքների (UPF) քանակի վերլուծության վրա: Այս կատեգորիան ներառում է պատրաստի սնունդ, արագ սնունդ, նախուտեստներ և քաղցր ըմպելիքներ:

Փորձարկվողների 16-ամյա հետազոտության արդյունքները ցույց են տվել, որ պատրաստի կերակուրներ և շատ ճարպեր, շաքար և սննդային հավելումներ պարունակող այլ մթերքների առատ սպառողների մոտ Պարկինսոնի հիվանդության պատճառով մահվան վտանգը 25%-ով աճել է:

Անառողջ սննդի սիրահարները նույնպես մոտ 10%-ով ավելի քիչ շանսեր ունեն ապրելու ինսուլտից կամ սրտի կաթվածից հետո: