Հասկացա, թե ինչու էր աշխարհը սնվում իր էներգիայով․ Լիա Զախարյանը՝ Մայքլ Ջեքսոնի մասին (լուսանկարներ)
Ժամանց
Դերասանուհի Լիա Զախարյանը կիսվել է ԱՄՆ–ում կայացած Մայքլ Ջեքսոնի մյուզիքլի տպավորություններով, որին նա ներկա է եղել:
«Նյու Յորքում գնացի Մայքլ Ջեքսոնի մյուզիքլին, որի ընթացքում խաղարկային ներկայացվեց իր երաժշտական կարիերայի սկիզբը, զարգացումը, լեգենդ դառնալը և ավարտը:
Ես տեսա 3 Մայքլ Ջեքսոն՝ փոքրիկ, դեռահաս և լեգենդ:
Հասկացա, թե ինչու այդ բազմազավակ տաղանդավոր ընտանիքից հենց իրեն ժպտաց ճակատագիրը՝ իրեն նվիրելով աշխարհին, բայց փոխարենը իրենից խլելով իր «կյանքը», հատկապես «մանկությունը»:
Հասկացա, որ երաժշտությունն ապրել է իր սրտի մեջ, իր սիրտը ապրել է երաժշտության մեջ:
Այնուհետև Լաս Վեգասում գնացի Մայքլ Ջեքսոն շոու ծրագրին:
Հասկացա, թե ինչ է նշանակում, երբ ասում են, որ գործն է անմահ:
Հասկացա թե ինչու էր աշխարհը սնվում իր էներգիայով:
Հասկասցա, թե ինչու էին իր համերգների ժամանակ մարդիկ ուշագնաց լինում, ինքնասպան լինում:
Այն ահռելի, անսպառ էներգիայի քանակը, որ նա է ապրում ու փոխանցում բեմից դժվար է դիմանաալ:
Երակներդ ուռում են, անոթներդ լայնանում են, սիրտդ արագ է խփում, օդը չի հերիքում:
Բայց ամենակարևորը Մայքլ Ջեքսոնը, իր երաժշտությունը, իր անխնա նվիրվածությունը արվեստին և համայն մարդկությանը, իր տաղանդը, աշխատասիրությունը և պրոֆեսիոնալիզմը մոտիվացնում են»,- գրել է Լիա Զախարյանը:
Ամենադիտված 
Ալիևը վերահաստատել է՝ Թուրքիայի հետ միասին չեն պատրաստվում հանդուրժել ՀՀ-ի գոյությունը որպես պետություն. թյուրքագետ
