Մասկի դերը Սեսիլիա Սալուինի ազատելու հարցում կեղծ է․ Իրանի ԱԳՆ

Իրանի արտգործնախարարության խոսնակ Էսմայիլ Բաղային կեղծ է անվանել New York Times-ի հաղորդումն այն մասին, որ Իլոն Մասկն օգնել է Թեհրանին ազատ արձակել իտալացի լրագրող Սեսիլիա Սալային, ով կալանավորվել էր Իսլամական Հանրապետությունում 2024 թվականի դեկտեմբերին, գրում է ՏԱՍՍ-ը։

Իրանի արտգործնախարարության հայտարարության համաձայն՝ Բաղային «հերքել է ամերիկյան լրատվամիջոցի հրապարակումը, թե Իլոն Մասքը Նյու Յորքում կապվել է Իրանի ՄԱԿ-ի մշտական ​​ներկայացուցիչ Ամիր Սաիդ Իրավանիի հետ և դերակատարություն է ունեցել իտալացի լրագրողի ազատ արձակման գործում՝ անվանելով դա լրատվամիջոցների հերյուրանք»։ Այս մասին հունվարի 15-ին հայտնել էր NYT-ը՝ վկայակոչելով աղբյուրները:

Ինչպես ավելի վաղ հայտնել ենք Ամերիկացի միլիարդատեր Իլոն Մասկն օգնել էր Թեհրանին համոզել ազատ արձակել իտալացի լրագրող Սեսիլիա Սալային՝ քննարկելով հարցը ՄԱԿ-ում Իսլամական Հանրապետության մշտական ​​ներկայացուցիչ Ամիր Սաիդ Իրավանիի հետ։