Վահե Ենգիբարյանը նշանակվել է ՔԿ որակավորման հանձնաժողովի անդամ
Իրավունք
Քննչական կոմիտեի նախագահ Արթուր Պողոսյանը հունվարի 17-ին հրաման է ստորագրել, որով Վահե Ենգիբարյանը նշանակվել է Հայաստանի Հանրապետության քննչական կոմիտեի որակավորման հանձնաժողովի անդամ։
Հրամանում ասվում է․
«1. Հայաստանի Հանրապետության ազգային անվտանգության ծառայության տնօրենի աշխատակազմի ղեկավար, Երևանի պետական համալսարանի իրավագիտության ֆակուլտետի քրեական դատավարության և կրիմինալիստիկայի ամբիոնի պրոֆեսոր, իրավաբանական գիտությունների դոկտոր, պրոֆեսոր, վաստակավոր իրավաբան Վահե Գուրգենի Ենգիբարյանին նշանակել Հայաստանի Հանրապետության քննչական կոմիտեի որակավորման հանձնաժողովի անդամ՝ երեք տարի ժամկետով:
2. Սույն հրամանն ուղարկել Հայաստանի Հանրապետության քննչական կոմիտեի նախագահի տեղակալներին, Հայաստանի Հանրապետության քննչական կոմիտեի որակավորման հանձնաժողովի նախագահին և անդամներին, Հայաստանի Հանրապետության քննչական կոմիտեի հիմնական մասնագիտական կառուցվածքային ստորաբաժանումների պետերին, Հայաստանի Հանրապետության քննչական կոմիտեի գլխավոր քարտուղարին և Հայաստանի Հանրապետության քննչական կոմիտեի անձնակազմի կառավարման վարչության պետին»:
Ամենադիտված 
Մինչև կտրում էինք որդուս ծննդյան տորթը, մեր տնից տարան բոլոր ոսկիները. Արուսյա Կավկազ (տեսանյութ)
