TikTok-ը հայտնել է՝ ինչ պայմաններով կշարունակի ԱՄՆ-ում գործունեությունը

TikTok-ի վիդեո ծառայությունը կդադարեցնի իր գործունեությունը ԱՄՆ-ում հունվարի 19-ին, եթե Ջո Բայդենի վարչակազմը երաշխիքներ չտա, որ միջոցներ չեն կիրառվի սոցիալական ցանցի նկատմամբ՝ ծառայությունն արգելելու ԱՄՆ Գերագույն դատարանի որոշումից հետո, ասվում է TikTok-ի X-ում հրապարակված հայտարարության մեջ։

«Եթե Բայդենի վարչակազմն անհապաղ վերջնական հայտարարություն չտա՝ բավարարելու ամենակարևոր ծառայություններ մատուցողներին՝ TikTok-ը ԱՄՆ-ում հասանելի պահելով և վստահեցնելով նրանց, որ միջոցներ չեն կիրառվի, ցավոք, TikTok-ը ստիպված կլինի փակվել հունվարի 19-ին»,- ասված է հայտարարության մեջ։

Ծառայությունը նշել է, որ ԱՄՆ-ում ունի ավելի քան 170 միլիոն օգտատեր, ինչը կազմում է երկրի բնակչության գրեթե կեսը։