Սյունիքի մարզպետի տեղակալն է լուծում առողջապահական հաստատությունների հարցերը, ահաբեկում բժիշկներին․ Անուշ Պողոսյան

 

«Ի դեպ, երեկ մարզպետների մասին հրապարակումից հետո (հղումներ ստորև) մի շարք սյունեցի կոլեգաներ արձագանքեցին`ասելով, որ շատ ճիշտ կլիներ, որ իրենց մարզպետին անդրադառնայի առանձին։ Ես էլ ասում եմ, բայց ձեր մարզպետը Գեղարքունիքի նախկին գյուզապետերից էր, նախկինների հետ ակտիվ աշխատում էր, կողմ էր մարզերի համաչափ զարգացմանը, նախկին իշխանությունները օգնեցին, իրենց գյուղում հյուրատներ սարքեց ( ի միջայլոց Կարեն Կարապետյանի «Հուփ տուր» արտահայտությունը հենց Ռոբերտ Ղուկասյանի հետ խոսակցությունից էր), ինչն է խնդիրը՞։ Ասում են, որ բոլոր առողջապահական հաստատությունների հարցերը լուծում է մարզպետի տեղակալ Նարե Ղազարյանը, ով բացարձակ ահաբեկում է բժիշկներին, տալիս է անտրամաբանական հանձնարարականներ, մի շարք մարդկանց հովանավորում է տարբեր հարցերում և այլն․․․․

 

Հիմա նայում եմ Նարե Ղազարյանի կենսագրությունը՝ ունի թերի բարձրագույն կրթություն, 2006-2010թթ. սովորել և ավարտել է Երևանի «Հայբուսակ» համալսարանը` ստանալով միջազգային հարաբերությունների բակալավրի որակավորում: Նարե Ղազարյանին վերապահված են մարզպետի կողմից իրականացվող տարածքային քաղաքականության և մարզպետի աշխատակազմի կառուցվածքային ստորաբաժանումների միջոցով կատարվող աշխատանքների համակարգման լիազորությունները հետևյալ բնագավառներում`

 

1) գյուղատնտեսության

2) բնապահպանության

3) ընտանիքի, կանանց և երեխաների իրավունքների պաշտպանության

4) առողջապահության

5) սոցիալական ապահովության։

Հիմա նստած մտածում եմ, գուցե Անահիտ Ավանեսյանը ճիշտ է, ես սխալ․․․»։