Ամերիկուհին դարձել է խոզի երիկամով փոխպատվաստված ամենաերկարակյաց մարդը

ԱՄՆ քաղաքացի Թովանա Լունին, ում 61 օր առաջ խոզի երիկամի փոխպատվաստում են կատարել, իրեն լավ է զգում և նման վիրահատությունից հետո կյանքի տեւողության նոր ռեկորդ է սահմանել։ Այս մասին հայտնում է Associated Press-ը։

Հրապարակման մեջ նշվում է, որ Լունիի հաջող վիրահատությունը գիտնականներին հույս է ներշնչում, որ հնարավոր է կենդանիների օրգաններ փոխպատվաստել մարդկանց։ Նշվում է, որ նախորդ վիրահատությունները, որոնց ժամանակ պացիենտներին փոխպատվաստել են երկու սիրտ և երկու երիկամ, հաջողությամբ չեն պսակվել։

Ըստ բժիշկների՝ կնոջ երիկամներն այս պահին ստաբիլ են գործում։ Բժիշկներն ակնկալում են, որ կինը վերականգնումից հետո մոտ մեկ ամսից կկարողանա հեռանալ հիվանդանոցից։