Շվեյցարիան, որը քրեականացրել է Ցեղասպանությունը ժխտելը, չի լսե՞լ, որ հենց իր երկրում ոմն մեկը ժխտեց Ցեղասպանությունը․ Լիլիթ Կոստանյան

27 Հունվար, 2025 10:28

Լրագրող Լիլիթ Կոստանյանը Ֆեյսբուքի իր էջում գրել է․

«Երբ թուրք Պերինչեքը Շվեյցարիայում ժխտում է Հայոց Ցեղասպանությունը, Շվեյցարիան նրան դատի է տալիս, քանի որ այդ ժամանակ արդեն Շվեյցարիան քրեականցրել էր Հայոց Ցեղասպանությունը ժխտելը:

Պերինչեքը դիմում է ՄԻԵԴ`ասելով, որ խոսքի ազատություն է և այլն և ինքն էլ ոչ թե ժխտել է այլ ինչ-որ գիտական խոսակցության ժամանակ ուղղակի իր կարծիքն արտահայտել:

Հայաստանն այդ դատին ներգրավված էր որպես 3- րդ կողմ:

2015 թվականի հոկտեմբերի 16-ին ՄԻԵԴ-ը վճիռ է կայացնում` ըստ որի Պերինչեքը ուղղակի իր կարծիքն է հայտնել և Ցեղասպանության զոհերի բարեկամները իրավունք ունեն դիմելու դատարան և փոխհատուցում ստանալու:

Չնայած այն հանգամանքին, որ Թուրքիան որպես կողմ համդես եկավ, իբր անցել է 100 տարի, ինչ Ցեղասպանություն և այլ, դատարանը ասեց ՈՉ, կապ չունի ինչքան է անցել , ոճիրը ոճիր է և զոհերի հարազատները իրավունք ունեն դիմելու դատարան պահանջով:

Ու դրանից մի քանի տարի հետո Թուրիքան որոշեց Հայաստանի հենց ներսից պայքարել Ցեղասպանությունը մոռացության տալու համար` իշխանության բերելով իր գործակալներին:

Իսկ Շվեյցարիան` ով քրեականացրել է Ցեղասպանությունը ժխտելը, չի լսե՞լ, որ հենց իր երկրում այսքան տարի անց հենց իր քթի տակ ոմն մեկը ժխտեց Ցեղասպանությունը:

P.S. Ի միջի այլոց Հայաստանը նույնպես քրեականցրել է Հայոց Ցեղասպանության ժխտումը»:

Հիշեցնենք, որ Նիկոլ Փաշինյանը հայտարարել է, թե պետք է դեռ հասկանալ՝ ինչ է տեղի ունեցել Հայոց ցեղասպանության ժամանակ, ինչու և ում միջոցով ենք ընկալել Հայոց ցեղասպանությունը։

«Մենք Հայոց ցեղասպանության պատմությանն էլ պետք է վերադառնանք, պետք է հասկանանք, լավ՝ ինչ է տեղի ունեցել և ինչու է տեղի ունեցել, և ինչպես ենք մենք դա ընկալել, ում միջոցով ենք ընկալել, ոնց է, որ1939 թվին Հայոց ցեղասպանության օրակարգ չի եղել, և ոնց է որ1950-ին Հայոց ցեղասպանության օրակարգ հայտնվել է: Սա մենք պե՞տք է հասկանանք, թե՞ չպետք է հասկանանք», - հայտարարել է վարչապետը։