Կանխիկ շրջանառությունը թմրամիջոցի նման մի բան էր տրանսպորտային համակարգի համար․ Տիգրան Ավինյան (տեսանյութ)

Տրանսպորտային համակարգի ներդրումն իսկապես բարդ գործընթաց է եղել, ահռելի ծավալի աշխատանք է կատարվել, և այն ունի մեկ նպատակ, որ Երևանն ունենա կայուն, որակյալ տրանսպորտային համակարգ, Երևանի քաղաքապետարանի գործակարգավորական նիստի ընթացքում հայտարարեց Տիգրան Ավինյանը։

«Երևանը պետք է ունենա տրանսպորտային համակարգ, որը մի քանի տարի հետո չի մաշվելու և վերանա, ինչպես եղել է միշտ։

Երևանի տրանսպորտի համակարգում կանխիկ շրջանառությունը վերացնելու ժամանակ հազար ու մի խնդրի առաջ ենք կանգնել։ Կանխիկը տրանսպորտային համակարգից հանելը թմրամիջոցի նման մի բան էր: Հիմա վարորդներին առաջարկում ենք լավ աշխատավարձ, առողջապահական ապահովագրություն, արտաժամյա աշխատանքի դեպքում պետք է վճարենք, պարապուրդի համար պետք է վճարենք, այսինքն՝ ստեղծվում են մարդկային պայմաններ, որ վարորդն անի իր գործը, վարի ավտոբուսը, չմտնի որևէ կանխիկ գործարքների մեջ»,-ասաց Ավինյանը։