ԱՄՆ պետքարտուղար Ռուբիոն հաստատել է Թրամփի՝ Ուկրաինայում հակամարտությունը դադարեցնելու մտադրությունը
ԱՄՆ
ԱՄՆ նախագահ Դոնալդ Թրամփը նախատեսում է վերջ տալ Ուկրաինայի հակամարտությանը, և դա նրա համար շատ կարևոր նպատակ է։ Այս մասին հայտարարել է ԱՄՆ նոր պետքարտուղար Մարկո Ռուբիոն Հունգարիայի ԱԳՆ ղեկավար Պետեր Սիյարտոյի հետ ունեցած հեռախոսազրույցի ժամանակ։
«Իմ գործընկերը [Ռուբիոն] վստահեցրել է ինձ, որ նախագահ Դոնալդ Թրամփը շատ կարևոր նպատակ ունի՝ վերջ տալ մեր տարածաշրջանում եռամյա հակամարտությանը», - ասել է Սիյարտոն։
Նրա խոսքով, ռուս-ուկրաինական հակամարտության ողջ ընթացքում Հունգարիան ապրում է անվտանգության ռիսկերի պայմաններում, ինչպես նաև մեծ տնտեսական կորուստներ է կրել։
Սիյարտոն ընդգծել է, որ Հունգարիայի շահերից է բխում, որ Թրամփը հաջողության հասնի և վերջ դնի հակամարտությանը։ Ռուբիոն հաստատել է, որ դա ԱՄՆ նոր նախագահի և նրա վարչակազմի կարևոր նպատակներից մեկն է։
Անցյալ շաբաթ ԶԼՄ-ներում հայտնվեց ԱՄՆ նախագահ Դոնալդ Թրամփի այսպես կոչված «100-օրյա խաղաղության ծրագիրը»։ Փաստաթուղթը, մասնավորապես, նախատեսում է ապրիլի 20-ից զինադադարի հայտարարում ողջ առաջնագծի երկայնքով։ Ենթադրվում է նաև, որ Ուկրաինան չի անդամակցի ՆԱՏՕ-ին, կմտնի ԵՄ մինչև 2030 թվականը և կհրաժարվի կորցրած տարածքները վերադարձնելու փորձերից։
ՈՒՂԻՂ ԵԹԵՐ
Ամենադիտված 
Պլանային ջրանջատում․ տասնյակ հասցեներում ջուր չի լինի
