ԲԴԽ-ի շենքի դիմաց պայթյուն է տեղի ունեցել «Chevrolet»-ում. կան վիրավորներ

Այսօր՝ հունվարի 27-ին, արտակարգ դեպք է տեղի ունեցել Երևանում: Ժամը 10:15-ի սահմաններում Կորյունի փողոցում՝ Բարձրագույն դատական խորհրդի դիմաց, դեռևս անհայտ հանգամանքներում պայթյուն է տեղի ունեցել «Chevrolet» մակնիշի ավտոմեքենայում: 
 
Ինչպես դեպքի վայրից հայտնում է ֆոտոլրագրող Գագիկ Շամշյանը, պայթյունի հետևանքով 1 հոգու առաջինը օգնության են հասել ՀՀ Արդարադատության նախարարության կարգադրիչների ստորաբաժանման ԲԴԽ դատական շենքում ծառայություն կատարող կարգադրիչներ Արմեն Գրիգորյանը, Դավիթ Եղիազարյանն ու Արմեն Ալեքսանյանը: 

Ընթացքում կագադրիչները ահազանգել են «1-03» ու մինչ շտապօգնության ժամանումը, վիրավորին, ով կին է եղել, տեղում բուժօգնություն են ցուցաբերել, ապա շտապօգնության բժիշկները նրան տեղափոխել են հիվանդանոց: 
 
Գ. Շամշյանի տեղեկություններով՝ վիրավորը հոսպիտալացվել է Այրվածքաբանության ազգային կենտրոն: 
 
Օպերատիվորեն ժամանել են ՀՀ ներքին գործերի նախարորության Փրկարար ծառայության Երևանի թիվ 8-րդ հրշեջ-փրկարարական ջոկատից 1 մարտական հաշվարկ: 
 
Փրկարարները տեղում հերթապահություն են իրականացրել: 
 
Օպերատիվորեն ժամանել են նաև ՀՀ ՆԳՆ ոստիկանության Պարեկային ծառայության Երևան քաղաքի գնդի 4-րդ գումարտակի 3-րդ վաշտի պարեկները՝ գումարտակի հրամանատար Արսեն Ստեփանյանի, գումարտակի հրամանատարի տեղակալ Արտակ Սիրադեղյանի, վաշտի հրամանատար Ալյոշա Այվազյանի գլխավորությամբ:

Առավել մանրամասն՝ սկզբնաղբյուր կայքում։