Նախկին սենատոր Մենենդեսը դատապարտվել է 11 տարվա ազատազրկման

ԱՄՆ նախկին սենատոր Ռոբերտ Մենենդեսը կաշառակերության և կոռուպցիայի մեղադրանքով դատապարտվել է 11 տարվա ազատազրկման, հայտնում են ամերիկյան լրատվամիջոցները։

Նախկին սենատորն ասել է, որ իր դեմ հարուցված գործը քաղաքական հետապնդում է:

«Այս գործընթացը քաղաքական է»,- ասել է Մենենդեսը դատավարությունից հետո։

2024 թվականի հուլիսին երդվյալ ատենակալները Մենենդեսին մեղավոր են ճանաչել մեղադրանքների 16 հոդվածներով, այդ թվում՝ կաշառակերություն, շորթում, խարդախություն, արդարադատության խոչընդոտում և գործողություններ՝ որպես օտարերկրյա գործակալ: Մեղադրող կողմի տվյալներով՝ Մենենդես ամուսինները Եգիպտոսի և Կատարի կառավարությունների համար լոբբինգ անելու դիմաց ստացել են կանխիկ գումար, ոսկու ձուլակտորներ և այլ նվերներ։ Մասնավորապես, ինչպես ենթադրում են քննիչները, սենատորը խոստացել է հեշտացնել Եգիպտոսին ռազմական մատակարարումների և օգնության համակարգումը։

Դատավճռի հրապարակումից հետո սենատորն օգոստոսին հրաժարական տվեց։ Նա դարձավ առաջին պետական ​​պաշտոնյան, ով դատապարտվել է պաշտոնավարման ընթացքում որպես օտարերկրյա գործակալ հանդես գալու համար: