Տոկաևը կմեկնի Մոսկվա՝ նշելու Հաղթանակի 80-ամյակը
Աշխարհ
Ղազախստանի նախագահ Կասիմ-Ժոմարտ Տոկաևը Ռուսաստանի վարչապետ Միխայիլ Միշուստինի հետ հանդիպման ժամանակ ասել է, որ ծրագրում է մեկնել Մոսկվա՝ նշելու Հայրենական մեծ պատերազմում հաղթանակի 80-ամյակը և ակնկալում է հանդիպել ՌԴ նախագահ Վլադիմիր Պուտինի հետ, գրում է Euromedia24-ը։
Միշուստինի և Տոկաևի հանդիպումը կայացել է ՌԴ կառավարության ղեկավարի Ղազախստան կատարած այցի շրջանակում։ Վարչապետը Ղազախստանի ղեկավարին է փոխանցել ՌԴ նախագահի «լավագույն խոսքերն ու մաղթանքները»։
«Օգտվելով առիթից՝ ցանկանում եմ ողջույններ և հարգանքի խոսքեր փոխանցել Ռուսաստանի Դաշնության նախագահ Վլադիմիր Վլադիմիրովիչ Պուտինին։
Հուսով եմ, որ կտեսնվենք մեծ Հաղթանակի 80-ամյակի տոնակատարության ժամանակ։ Ես մեծ սիրով ընդունեցի հրավերը»,- ասել է Տոկաևը։
Նա ասել է, որ այս օրվա կապակցությամբ հիշատակի միջոցառումներ կանցկացվեն նաեւ Ղազախստանում։
«Այստեղ, իհարկե, մենք նաև պլանավորել ենք միջոցառումներ՝ կապված այս պատմական ամսաթվի հետ, բայց մենք ժամանակ կունենանք դա անցկացնել 7-ին և 8-ին, իսկ ներքին իրադարձությունների ավարտից հետո ես կուղևորվեմ Մոսկվա՝ աշխատանքներին մասնակցելու համար», -հաստատել է Միշուստինը:
ՈՒՂԻՂ ԵԹԵՐ
Ամենադիտված 
Մարիամ Փաշինյանի ամանորյա ֆոտոշարքն ու Ձմեռ պապի նվերը
