Մեծ Բրիտանիայում խանութներից գողությունների թիվը հասել է ռեկորդային մակարդակի

Մեծ Բրիտանիայի խանութներից գողերի թիվը և դրա հետ կապված կորուստները հասել են ռեկորդային մակարդակի 2023-2024 ֆինանսական տարում, ասվում է հինգշաբթի օրը բրիտանական մանրածախ առևտրի կոնսորցիումի (BRC) կայքում հրապարակված մամուլի հաղորդագրության մեջ, գրում է Euromedia24-ը:

 

«Գողությունների թիվը հասել է պատմական առավելագույնին՝ ավելի քան 20 միլիոն միջադեպ»,- ասվում է զեկույցում։

 

Հանցավորության այս աճը հանգեցրել է մանրածախ վաճառողների համար 2,2 միլիարդ ֆունտ ստեռլինգի վնասների, ասում է կոնսորցիումը: Սա ամենամեծ ցուցանիշն էր՝ 400 մլն ֆունտով գերազանցելով մեկ տարի առաջվա ցուցանիշը, ասվում է մամուլի հաղորդագրությունում։

 

Այն գումարը, որը խանութները ծախսում են հանցավորության կանխարգելման վրա, նույնպես հասել է ռեկորդայինի. 2023-2024 թվականներին մանրածախ վաճառողները ծախսել են 1,8 միլիարդ ֆունտ ստերլինգ CCTV տեսախցիկներ տեղադրելու, հակագողոնային սարքավորումների տեղադրման և անվտանգության աշխատակիցների թվի ավելացման վրա, նշում է BRC-ն։

 

Բացի այդ, բրիտանական խանութներում աշխատակիցների նկատմամբ բռնությունների աճ է գրանցվել։

 

Նման միջադեպերի թիվը, ներառյալ սեռական և ֆիզիկական բռնությունը, զենքով սպառնալիքները և ռասայական հայհոյանքները, օրական աճել է մինչև 2000-ի, ինչը երեք անգամ ավելի է, քան 2020 թվականին, նշում է կազմակերպությունը: