Ճապոնիան ուշադիր հետևում է ռուսական ինքնաթիռների թռիչքներին

Ճապոնիան վերահսկում է և շարունակելու է ուշադիր հետևել իր սահմանների մոտ ռուսական զինված ուժերի գործունեությանը։ Այս մասին հերթական մամուլի ասուլիսում հայտարարել է Ճապոնիայի կաբինետի գլխավոր քարտուղար Յոսիմասա Հայաշին՝ մեկնաբանելով ռուսական Տու-95ՄՍ հրթիռակիրների թռիչքը Ճապոնական ծովի վրայով, փոխանցում է ՏԱՍՍ-ը։

«Մենք կշարունակենք ուշադիր հետևել Ռուսաստանի Դաշնության ռազմական ակտիվությանը մեր սահմանների մոտ», - նշել է նա՝ ընդգծելով, որ այս թեմայով անհանգստություններ արդեն բազմիցս արտահայտվել են ռուսական կողմին դիվանագիտական ​​ուղիներով։ Հայաշին նաև նշել է, որ Ճապոնիայի ինքնապաշտպանության ուժերի կործանիչներն ուղեկցել են ռուսական Տու-95ՄՍ հրթիռակիրներին Ճապոնական ծովի վրայով։

Ավելի վաղ ՌԴ ՊՆ-ն հայտարարել էր, որ ռուսական երկու Տու-95ՄՍ հրթիռակիրները ութժամյա պլանային թռիչք են իրականացրել Օխոտսկի և Ճապոնական ծովերի վրայով, և որ նրանց ուղեկցել են օտարերկրյա կործանիչներ՝ որոշ հատվածներում։

Գերատեսչությունն ընդգծել է, որ Ռուսաստանի օդատիեզերական ուժերի (ՎԿՍ) օդանավերի բոլոր թռիչքներն իրականացվում են օդային տարածքի օգտագործման միջազգային կանոններին խստորեն համապատասխանելով։