ԱՄՆ սպառազինությունների գնումների համակարգը լիովին տապալված է․ Վենս
Աշխարհ
Պենտագոնի սպառազինությունների գնումների համակարգը լիովին տապալված է և դժվարաենում է նոր պաշտպանական ընկերությունների և տեխնոլոգիաների զարգացումը։ Այս մասին Fox News-ին տված հարցազրույցում հայտարարել է ԱՄՆ փոխնախագահ Ջեյմս Դեյվիդ Վենսը, գրում է ՏԱՍՍ-ը։
«Կարծում եմ, որ մենք պետք է ավելի շատ ծախսենք պաշտպանության վրա՝ մեր երկիրն ավելի անվտանգ դարձնելու համար: Մենք նաև պետք է ավելի խելացի ծախսենք մեր պաշտպանության միջոցները: Մեր զենքի գնման գործընթացն ամբողջությամբ խախտված է», - ասել է նա:
Փոխնախագահը հավելել է, որ ամերիկյան նոր պաշտպանական ընկերությունները հայտնվել են դժվարին իրավիճակում, և նրանց համար ավելի դժվար է դառնում տեխնոլոգիական զարգացմամբ զբաղվելը։
Վենսի խոսքով, ուկրաինական հակամարտությունը նույնպես մերկացրել է այս խնդիրը։ «Ժամանակակից մարտադաշտի դեմքը փոխվել է և կշարունակի փոխվել, և Ամերիկան պետք է հետ չմնա այդ փոփոխություններից», - հավելել է նա:
