Շվեդիան Ուկրաինային կտրամադրի ռեկորդային թվով ռազմական օգնություն

Շվեդիան Ուկրաինային կտրամադրի մինչ օրս իր ամենամեծ ռազմական օգնության փաթեթը՝ շուրջ 1,2 միլիարդ դոլար արժողությամբ: Այս մասին X սոցիալական ցանցում հայտնել է երկրի պաշտպանության նախարար Փոլ Ջոնսոնը։

Նախարարի խոսքով՝ այդ գումարից մոտ 90 մլն դոլար ուղղվելու է ուկրաինական հեռահար հրթիռների և անօդաչու սարքերի արտադրությանը։ Ամբողջ փաթեթի մեկ քառորդը բաղկացած կլինի զենքերից, որոնք Շվեդիան կփոխանցի սեփական ռազմական ռեզերվներից։ Դրանք կներառեն 16 մարտական ​​նավ, 1500 հակատանկային հրթիռ և 200 AT4 նռնականետ։

Շվեդիայում և եվրոպական այլ երկրներում Ուկրաինայի կարիքների համար նոր զինատեսակների արտադրության համար կհատկացվի 534 մլն դոլար, ինչը կազմում է ընդհանուր գումարի 45%-ը։

Եվս 250 մլն դոլար ուղղվելու է տարբեր միջազգային հիմնադրամներին, այդ թվում՝ 178 մլն դոլար կհատկացվի այսպես կոչված «դանական մոդելի» համար, որը նախատեսում է միջոցներ ներգրավել Ուկրաինայի ռազմարդյունաբերական համալիրին աջակցելու համար։