Հոկտեմբերի 27-ի գործով քննչական խմբի նախկին ղեկավարը՝ զինվորական դատախազի տեղակալ

ՀՀ գլխավոր դատախազի՝ 2012թ. դեկտեմբերի 13-ի հրամանով ՀՀ զինվորական դատախազի տեղակալ, արդարադատության առաջին դասի խորհրդական Արազի Հովսեփյանն ազատվել է զբաղեցրած պաշտոնից՝ անձնական դիմումի համաձայն, իսկ ՀՀ զինվորական դատախազի տեղակալ է նշանակվել Արտավազդ Հարությունյանը՝ ազատվելով ՀՀ զինվորական կենտրոնական դատախազության ՀՀ պաշտպանության նախարարության քննչական վարչությունում քննվող գործերի բաժնի պետի պաշտոնից: Հարությունյանը նախկինում աշխատել է որպես հոկտեմբերի 27-ի գործով քննչական խմբի ղեկավար:

Վերջինիս փոխարեն նշված բաժնի պետ է նշանակվել Գևորգ Համբարձումյանը' ազատվելով Սևանի կայազորի զինվորական դատախազի պաշտոնից: Իսկ Սեւանի կայազորի զինվորական դատախազ է նշանակվել Համբարձում Մելիք-Սարգսյանը' ազատվելով ՀՀ զինվորական կենտրոնական դատախազության ավագ դատախազի պաշտոնից:

ՀՀ գլխավոր դատախազի հրամաններով տեղի են ունեցել նաեւ մի քանի այլ փոխատեղումներ:

Մասնավորապես՝ Գրիգոր Էլիզբարյանը նշանակվել է Լոռու կայազորի զինվորական դատախազ՝ ազատվելով Շիրակի կայազորի զինվորական դատախազի պաշտոնից, իսկ Շիրակի կայազորի զինվորական դատախազ է նշանակվել Թևոս Միրզաբեկյանը՝ ազատվելով Լոռու կայազորի զինվորական դատախազի պաշտոնից:

Ստեփան Մանուշակյանը նշանակվել է Եղեգնաձորի կայազորի զինվորական դատախազ՝ ազատվելով Գորիսի կայազորի զինվորական դատախազի պաշտոնից, իսկ Գորիսի կայազորի զինվորական դատախազ է նշանակվել Տիգրան Սարգսյանը՝ ազատվելով Եղեգնաձորի կայազորի զինվորական դատախազի պաշտոնից: