Ռուսաստանն ԱՄՆ-ին առաջարկել է չեղարկել «Աերոֆլոտ»-ի դեմ պատժամիջոցները
Աշխարհ
Ռուսաստանն ԱՄՆ-ի հետ ուղիղ ավիահաղորդակցության վերսկսումը կապում է ռուսական «Աերոֆլոտ» ավիաընկերության դեմ պատժամիջոցների վերացման հետ: «ՌԻԱ Նովոստի»-ի փոխանցմամբ՝ այս մասին Ալմաթիում կայացած մամուլի ասուլիսի ժամանակ հայտարարել է ՌԴ արտգործնախարար Սերգեյ Լավրովը։
«Մենք նման առաջարկ արեցինք ավելի քան մեկ ամիս առաջ Էր Ռիադում կայացած վերոհիշյալ հանդիպումից առաջ: Ամերիկացիներն այն ընդունեցին: Մինչ այժմ մենք փոխադարձ քայլեր չենք տեսել»,- ասել է նա՝ պատասխանելով այն հարցին, թե արդյո՞ք օդային հաղորդակցության վերականգնումը կբերի «Աերոֆլոտ»-ի դեմ պատժամիջոցների վերացում։
Լավրովը հիշեցրել է, որ ապրիլի 10-ին Ստամբուլում տեղի են ունեցել ռուս-ամերիկյան խորհրդակցություններ, «որտեղ մեր փորձագետները հիշեցրել են այս առաջարկության մասին»։
«Անկեղծ ասած, պարզապես հնարավորություն դեռ չեմ ունեցել նրանց հետ կապվել: Միգուցե, այնտեղ ինչ-որ տեղաշարժեր են եղել, սակայն առայժմ դրանց մասին ոչինչ հայտնի չէ: Բայց մենք կաշխատենք այդ ուղղությամբ, քանի որ սա վերադարձ է դեպի կանոնավորություն», – հայտարարել է Լավրովը:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
