Թողարկվել են «Ուշու» և «Ձյուդո» նոր հուշադրամներ

Հայաստանի Հանրապետության կենտրոնական բանկը «Մենամարտի արվեստը» միջազգային դրամագիտական ծրագրի շրջանակում թողարկել է «Ուշու» արծաթե հուշադրամ:

Հուշադրամի դիմերեսին պատկերված են Չինաստանում գտնվող Շաոլին վանքի գլխավոր մուտքը և հուշադրամի թողարկման տարեթիվը' 2011, որից վերև և ներքև կիսաշրջագծով մակագրված է «ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ 1000 ԴՐԱՄ» և «REPUBLIC OF ARMENIA 1000 DRAM»: Եզրաշուրթով տեղադրված են զարդանախշեր:

Հուշադրամի դարձերեսի կենտրոնում պատկերված են երեք մարզիկներ, որոնք ցուցադրում են ուշու մարզաձևին հատուկ շարժումներ: Աջ և ձախ կիսաշրջագծով մակագրված է «ՈՒՇՈՒ» և «WUSHU»:

Հուշադրամը շրջանագծով երկու կողմից ունի ուռուցիկ եզրաշուրթ:

Հուշադրամի պատրաստման ժամանակ օգտագործվել են գունավոր ներկեր:

Հուշադրամի ուրվագծերի հեղինակն է Էդուարդ Կուրղինյանը: Հուշադրամը հատվել է Գերմանիայի «Մայեր» դրամահատարանում:

Հուշադրամի բնութագիրը.

Անվանական արժեքը 1000 դրամ

Մետաղը և հարգը արծաթ, 9250

Զանգվածը 28,28 գ

Տրամագիծը 38,61 մմ

Դրամաշուրթը ատամնավոր

Որակը պրուֆ

Տպաքանակը մինչև 5000 հատ