Եղե՛ք իրազեկված

Հարգելի՛ քաղաքացիներ, Ձեզ անհրաժեշտ է տեղեկատվություն, թե ինչպես են իրականացվում ամուսնության, ծննդի, ամուսնալուծության, հայրության որոշման պետական գրանցումնե՞րը, իրազեկված չե՞ք, թե ինչպես են իրականացվում որդեգրումը /դստերագրումը/, մահվան պետական գրանցումը:

ՀՀ արդարադատության նախարարության նախաձեռնությամբ պատրաստված տեղեկատվական գրքույկները կօգնեն ձեզ իմանալ այս ու նաև ձեզ հետաքրքրող մի շարք այլ հարցերի պատասխանները:

Այսպես՝

Ինչպե՞ս գտնել Հայաստանի Հանրապետության մարզերում և Երևանում գտնվող նոտարական գրասենյակների հասցեները

Ի՛նչ գործառույթներ է իրականացնում Հայաստանի Հանրապետության նոտարական պալատը

Որո՞նք են նոտարական գործողությունները և նոտարի կողմից մատուցվող ծառայությունները

Օրենքով ի՞նչ տուրքեր և վճարումներ են սահմանված քաղաքացիական կացության ակտերի գրանցման ոլորտում մատուցվող ծառայությունների համար

Ո՞ր փաստաթղթերն են ենթակա ապոստիլով հավաստման

ՔԿԱԳ առկայության կամ բացակայության վերաբերյալ ինչպիսի՞ տեղեկանքներ են տրամադրվում

Ի՛նչ կարգով է տրամադրվում քաղաքացիության կացության ակտի պետական գրանցման վկայականի կրկնօրինակը

Ի՞նչ կարգով է տրամադրվում ընտանեկան կարգավիճակի մասին տեղեկանքը

Տեղեկատվական գրքույկները պատրաստվել են ՀՀ արդարադատության նախարարության նախաձեռնությամբ, «Աջակցություն Հայաստանում արդարադատության մատչելիությանը » ծրագրի և Գերմանիայի Միջազգային համագործակցության ընկերության /GIZ/ աջակցությամբ:

Այս գրքույկները կարող եք գտնել նոտարական, քաղաքացիական կացության ակտերի գրանցման գրասենյակներում, ՀՀ արդարադատության նախարարությունում:

Եղե՛ք տեղեկացված:

ՀՀ արդարադատության նախարարություն