ԵՄ-ն գրեթե համաձայնել է իջեցնել ռուսական նավթի գնի առաստաղը․ Reuters

Եվրամիության երկրները գրեթե մոտ են Ռուսաստանի Դաշնության դեմ պատժամիջոցների 18-րդ փաթեթի շուրջ համաձայնության գալուն, որը կարող է ներառել ռուսական նավթի գնի առաստաղի իջեցում: Այս մասին հաղորդում է Reuters-ը՝ հղում անելով աղբյուրներին:

Նշվում է, որ համաձայնության կարող են հասնել հուլիսի 14-ին՝ Բրյուսելում (Բելգիա) ԵՄ արտաքին գործերի նախարարների նախատեսված հանդիպումից մեկ օր առաջ:

Սկզբում առավելագույն գինը տատանվում էր մեկ բարելի համար 47 դոլարի սահմաններում: Հաշվի է առնվել ռուսական նավթի միջին արժեքը վերջին 5,5 ամիսների ընթացքում (մինուս 15%): Գործակալության աղբյուրը հայտնել է, որ մակարդակը կվերանայվի յուրաքանչյուր վեց ամիսը մեկ:

Այս տարվա մայիսին Եվրահանձնաժողովը հայտարարեց Եվրամիության հակառուսական պատժամիջոցների հաջորդ՝ 18-րդ փաթեթում ռուսական նավթի գնի առաստաղի իջեցումը 60 դոլարից մինչև 45 դոլար մեկ բարելի համար: Սլովակիան և Հունգարիան դեմ էին այս պատժամիջոցներին՝ համարելով, որ դրանք ավելի շատ վնաս են հասցնում ԵՄ-ին: Միևնույն ժամանակ, Էստոնիան սպառնացել է արգելափակել փաթեթը, եթե շեմը չիջեցվի: