Թրամփի քաղաքականության պատճառով՝ ԱՄՆ-Ճապոնիա հարաբերություններում ճգնաժամ է․ FT

ԱՄՆ-Ճապոնիա դաշինքը բախվում է 25 տարվա ընթացքում իր ամենամեծ ճգնաժամին՝ ԱՄՆ նախագահ Դոնալդ Թրամփի առևտրային քաղաքականության պատճառով, հաղորդում է The Financial Times-ը։

Ինչպես նշել են երկու երկրների բարձրաստիճան պաշտոնյաները, Սպիտակ տան ղեկավարի կոշտ մոտեցումը և Ճապոնիայի կառավարության անկարողությունը հարմարվել համագործակցության փոփոխվող պայմաններին կարող են հանգեցնել առևտրի և անվտանգության հարցերի անկայունացման և խառնաշփոթի։ The Asia Group խորհրդատվական ընկերության փորձագետ Քրիստոֆեր Ջոնսոնը նշել է, որ Տոկիոն կարծում է, որ ամերիկյան առաջնորդի թիմը «սրբություն չունի»։

Փորձագետը ընդգծել է, որ վերջին անգամ ԱՄՆ-ի և Ճապոնիայի միջև հարաբերություններում լուրջ ճգնաժամ է նկատվել 1990-ականների վերջին։ Այն ժամանակ, Սառը պատերազմի ավարտի հետ կապված, Տոկիոն և Վաշինգտոնը լուրջ խնդիրներ ունեցան առևտրի ոլորտում, և հիմնարար հարցեր առաջացան երկու պետությունների միջև դաշինքի ձևի վերաբերյալ։

«Ես երբեք չեմ լսել, որ ճապոնացի բարձրաստիճան պաշտոնյաներն այդքան ոգևորված լինեն այս հարաբերություններով», - ասել է Ջոնսոնը՝ մեկնաբանելով ստեղծված իրավիճակը։