Ուկրաինան փորձել է հարված հասցնել Կրիմին ու Կուրսկի շրջանին դրոններով

Ռուսաստանի պաշտպանության նախարարությունը հայտնել է, որ Ուկրաինայի զինված ուժերը փորձել են հարձակվել Կրիմի և Կուրսկի շրջանի վրա՝ օգտագործելով անօդաչու թռչող սարքեր։ Տեղեկությունը հրապարակվել է գերատեսչության Telegram-ալիքում։

ՊՆ տվյալներով՝ հակաօդային պաշտպանության համակարգերը գործել են Մոսկվայի ժամանակով 10:30-ից 12:20-ն ընկած ժամանակահատվածում։ Այդ ընթացքում հաջողվել է խոցել մեկ դրոն Կրիմի երկնքում և ևս երկու սարք՝ Կուրսկի շրջանում։

Պաշտպանության նախարարությունը հավելյալ մանրամասներ չի հայտնել հարձակման կասեցման վերաբերյալ։