Գիտնականները բացահայտել են Երկրի ներսում վախեցնող հրաբխային աղետների աղբյուրը

Ավստրալացի գիտնականները հայտնաբերել են, որ Երկրի խորքերում գտնվող խիտ զանգվածային գոյացությունները՝ հայտնի որպես BLOBS, կարող են լինել հսկայական հրաբխային ժայթքման հիմնական աղբյուրը։ Նրանց ուսումնասիրությունն ապացուցել է, որ այս կառույցների շարժը մանտիայի ու միջուկի սահմանագծում ուղղակիորեն ազդում է մագմայի հոսքերի և ապագա ժայթքումների աշխարհագրության վրա։

BLOBS-երը ձևավորվում են սուզվող տեկտոնական սալերից և շարժվում են մանտիայի խորքերում՝ առաջացնելով թեժ վերելակային հոսքեր (պլյումեր), որոնք հասնելով երկրակեղևին՝ կարող են առաջացնել կլիմայի և կենսոլորտի վրա ազդող զանգվածային ժայթքումներ։ 300 միլիոն տարվա ընթացքում տեղի ունեցած 210 հրաբխային ժայթքման վերլուծությունը ցույց է տվել, որ դրանց մեծ մասը կապված է հենց BLOBS-ի եզրային հատվածների հետ։

Նախկինում գիտնականները կարծում էին, որ մանտիայի աղբյուրները գրեթե անշարժ են, սակայն նոր տվյալները հաստատում են՝ այս խորքային գոյացությունները շարժվում են և կարող են կանխորոշել ապագա հրաբխային աղետների վայրերը։ Այս բացահայտումը կարևոր քայլ է՝ երկրաբաններին օգնելու նախապես հասկանալ, թե որտեղ կարող են կրկնվել նման բնական կատակլիզմները, հայտնում է Лента.ру-ն։