Վարդան Օսկանյանի օգնականը մեկնաբանում է ծեծկռտուքի մասին լուրերը

«Արդեն իսկ ոստիկանությունն է հերքել այն, որ ծեծկռտուքին մասնկացել է նաև Վարդան Օսկանյանի տղան, և ես նույնպես հաստատում եմ, որ այդ լուրը իրականության հետ որևէ կապ չունի»,- Լուրեր.com-ի հետ զրույցում ասաց ԲՀԿ-ական պատգամավոր, նախկին արտգործնախարար Վարդան Օսկանյանի օգնական Բելլա Կարապետյանը:

Հիշեցնենք, որ ինչպես ավելի վաղ հայտնել էր «Առաջին լրատվականը», հունվարի 4-ի երեկոյան «Էդեմ» ակումբի դիմաց՝ Թումանյան և Իսահակյան փողոցների խաչմերուկում, Վարդան Օսկանյանի որդին՝ Արման-Մինաս Օսկանյանը, իր երկու ընկերների հետ ծեծի է ենթարկել մի երիտասարդի՝ ջարդելով վերջինիս քիթը:

Տուժածին տեղափոխել են «Նաիրի» բժշկական կենտրոն, որտեղ վերջինս ոստիկանությանը հայտնել է, որ իրեն ծեծի են ենթարկել անհայտ անձինք:

Հունվարի 9-ին ոստիկանությունը հայտնաբերել է անհայտ անձանց, հրավիրել ոստիկանություն, որտեղ նրանք բացատրություն են տվել: Պարզվել է, որ տուժող երիտասարդը ծեծի է ենթարկվել հունվարի 4-ին Թումանյան և Իսահակյան փողոցների խաչմերուկում Արման-Մինաս Օսկանյանի և նրա երկու ընկերների կողմից: