Քաղաքացին տարադրամի փոխանակման ֆեյսբուքյան հայտարարությամբ տաքսու վարորդին տվել է 15 մլն դրամ և 20 հազար դոլար, հետո հասկացել է, որ խաբվել է
Հասարակություն
SHAMSHYAN.com-ի տեղեկություններով հոկտեմբերի 27-ին արտառոց դեպք է տեղի ունեցել Երևանում։ Տեղեկություն է ստացվել, որ քաղաքացուց խարդախությամբ խոշոր չափի գումար են հափշտակել։
Ինչպես հայտնում է ֆոտոլրագրող Գագիկ Շամշյանը, քրեական ոստիկաններին Երևանի բնակիչ 28-ամյա Գոռ Ու․-ն հայտնել է, որ «Facebook» սոցիալական կայքում տարադրամի փոխանակման հայտարարություն է նկատել, որից հետո «WhatsApp» հավելվածի միջոցով կապ է հաստատել Դավիթ ներկայացած անձի հետ և պայմանավորվել հանդիպել «Ռիո մոլ» առևտրի կենտրոնում:
Գ․ Շամշյանի տեղեկություններով՝ Գոռ Ու․-ն գնացել է նշված հասցե և իրեն է մոտեցել տաքսի ավտոմեքենա, որի վարորդին փոխանակման համար տվել է 15 մլն 200 հազար դրամ և 20 հազար ԱՄՆ դոլար, ով իր հերթին այն փոխանցել է այլ անձի և հետ վերադարձել և հասկացել, որ Դավիթ ներկայացած անձը խաբեությամբ հափշտակել է նշված գումարը։
Դեպքի փաստով Երևանի քրեական վարչությունում փաստաթղթեր են կազմվել, որոնք փոխանցվել են ՀՀ քննչական կոմիտեի Երևան քաղաքի քննչական վարչության Արաբկիրի քննչական բաժին։
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
