Ուսման վարձավճարի փոխհատուցումը՝ նիստի օրակարգում

Երևանի քաղաքապետարանից տեղեկացնում են՝ քաղաքապետին կից հասարակական կարգով գործող Սոցիալական աջակցության տրամադրման խորհրդի հերթական նիստում քննարկվել են  սոցիալական աջակցության կարիք ունեցող ընտանիքների խնդիրները: Նիստը վարել է փոխքաղաքապետ Սարգիս Մադաթյանը: 

Օրակարգում ընդգրկված հարցերը հիմնականում վերաբերում էին ուսման վարձավճարի փոխհատուցմանը, ինչպես նաև բնակարանի վերանորոգման նպատակով աջակցության տրամադրմանը: Քվեարկությամբ բոլոր հարցերը հաստատվել են:

Քննարկումների ընթացքում Երևանի ավագանու անդամներն ու սոցիալական պաշտպանության ոլորտի ՀԿ-ների ներկայացուցիչներն ընդգծել են սոցիալապես անապահով ընտանիքների աջակցության համակարգված և շարունակական բարելավման անհրաժեշտությունը։