Եկեղեցին ո՛չ հաստատություն է եւ ո՛չ վայր, այլ իր էությամբ հավատքի համայնք է

Ֆրեզնոյի հայությունը համախմբվել է իր Հովվապետի շուրջ, հայտնում են Մեծի Տանն Կիլիկիո կաթողիկոսությունից․

«Չորեքշաբթի, 5 Նոյեմբեր 2025-ին, Ֆրեզնոյի Սուրբ Երրորդութիւն եկեղեցւոյ սրահին մէջ բազմահարիւր հայորդիներ համախմբուեցան իրենց հովուապետին՝ Ն.Ս.Օ.Տ.Տ. Արամ Ա. Վեհափառ Հայրապետին շուրջ՝ ի պատիւ Հայրապետին տրուած ճաշկերոյթի առիթով։ Ամերիկայի ու Հայաստանի քայլերգներէն ետք, խօսքեր արտասանեցին առաջնորդ սրբազան հայրը, եկեղեցւոյ հոգեւոր հովիւն ու հոգաբարձութեան ատենապետը։

Սրբազան հայրը՝ Գերշ. Տ. Գեղամ Արք. Խաչերեան, բարի գալուստ մաղթելով Վեհափառ Հայրապետին ի Ֆրեզնօ, շրջանի գաղութին անունով իր երախտագիտութիւնը յայտնեց անոր, որ անգամ մը եւս՝ անսալով իր ժողովուրդի փափաքին, ժամանեց Ֆրեզնօ եւ իր հայրապետական օրհնութիւնը տուաւ մեր եկեղեցւոյ ու ազգի զաւակներուն։ Ապա, Գեղամ արքեպիսկոպոս հրաւիրեց Նորին Սրբութիւնը, որպէսզի ուղղէ իր հայրապետական օրհնութեան խօսքը։

«Եկեղեցի ու համայնք տարբեր իրականութիւններ չեն. անոնք մէկ ամբողջութիւն կը կազմեն: Եկեղեցին ո՛չ հաստատութիւն է եւ ո՛չ վայր, այլ իր էութեամբ հաւատքի համայնք է՝ Քրիստոսի խորհրդական մարմինը: Այդ մարմինի անդամները միասնաբար կը կազմեն եկեղեցին: Հետեւաբար, եկեղեցի ու համայնք, որպէս մէկ ամբողջութիւն, պէտք է մնայուն ու սերտ հաղորդութեան մէջ ըլլան», հաստատումով Ն.Ս.Օ.Տ.Տ. Արամ Ա. Վեհափառ Հայրապետը ուղղեց իր պատգամը Ֆրեզնոյի հայորդիներուն։ Այս առիթով, ան նաեւ գնահատեց Ֆրեզնոյի հայութեան ծառայութեան նուիրուած հոգեւոր հովիւ հայր սուրբը, եկեղեցւոյ հոգաբարձութիւնն ու քոյր կազմակերպութիւնները:

Ապա, անգլերէն լեզուով շարունակելով իր խօսքը՝ Նորին Սուրբ Օծութիւնը ըսաւ. «It gives me profound spiritual joy to be once again with our community in Fresno. Fresno is one of the oldest communities in the USA. It is a vibrant and organized community. A community is evaluated not by its numerical strength and financial capacity but by its faith and faithfulness to our church. I am sure that Fresno is one of such communities.

 

In fact, church and community are not two separate realities; the church is a community of faith, and community acquired its true meaning when it becomes a church-centered community.

 

In fact, this close inter-connection between church and community has always been a characteristic aspect of our common life. I am glad that the church continues its dedicated service to you, and the community, in its turn, participates actively in the life and witness of the church.

I believe that spiritual renewal should become a top priority for our church. We can achieve this vital goal through Christian education, bible studies, Sunday schools, pastoral service and through people-oriented spiritual programs.

The purpose of Spiritual renewal should be: how can we imbue our life with biblical values, moral virtues, and traditions of our church»։

Արամ Ա. Կաթողիկոս իր խօսքի աւարտին, իբրեւ գնահատանքի արտայայտութիւն երկար տարիներու վաստակի ու ծառայութեան, Մեծի Տանն Կիլիկիոյ Կաթողիկոսութեան «Կիլիկեան Ասպետ» շքանշանով պարգեւատրեց գաղութի զաւակներէն՝ Ալիս Կիւրէղեանը, Պիլ Սահաթճեանը եւ Մարվին Գաբրիէլեանը։ Այս առիթով, Նորին Սրբութիւնը յատուկ յուշանուէրով պատուեց ազգային բարերար Վահան Շամլեանի այրին՝ Անոյշ Շամլեանը՝ հայութեան կեանքին մէջ Շամլեան ընտանիքին ունեցած նիւթաբարոյական կարեւոր ներդրումին համար։

Երեկոն իր աւարտին հասաւ «Կիլիկիա» օրհներգի միաբերան երգեցողութեամբ»։