Զելենկին հայտնել է Ռուսաստանի հետ բանակցություններում Ուկրաինայի պատվիրակության կազմը
Աշխարհ
Ուկրաինայի նախագահ Վոլոդիմիր Զելենսկին նախագահի գրասենյակի ղեկավար Անդրեյ Երմակին նշանակել է ԱՄՆ-ի և Ռուսաստանի հետ բանակցություններում պատվիրակության ղեկավար: Համապատասխան հրամանագիրը հրապարակվել է Ուկրաինայի նախագահի պաշտոնական կայքում:
«Թույլատրել պատվիրակության ղեկավարին Ուկրաինայի նախագահի հետ համաձայնեցմամբ փոփոխություններ կատարել Ուկրաինայի պատվիրակության կազմում», - ընդգծվում Է փաստաթղթում: Հրամանագրի համաձայն՝ Երմակը կդառնա պատվիրակության ղեկավարը ԱՄՆ-ի և Ռուսաստանի ներկայացուցիչների հետ ԱՄՆ-ի նախագահ Դոնալդ Թրամփի խաղաղ ծրագրի շուրջ բանակցություններում:
Միևնույն ժամանակ, Ռուսաստանի հետ բանակցություններում պատվիրակության նախորդ ղեկավար, Ուկրաինայի ազգային անվտանգության և պաշտպանության խորհրդի քարտուղար Ռուստեմ Ումերովը նույնպես ընդգրկվել է բանակցողների կազմում: Պատվիրակության կազմում են նաև Ուկրաինայի հետախուզության գլխավոր վարչության պետ Կիրիլ Բուդանովը, Ուկրաինայի Զինված ուժերի գլխավոր շտաբի պետ Անդրեյ Գնատովը, ինչպես նաև Ստամբուլում բանակցություններին մասնակցած Ուկրաինայի արտաքին գործերի նախարարի առաջին տեղակալ Սերգեյ Կիսլիցան:
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
