Բրազիլիայի նախկին նախագահ Ժայր Բոլսոնարուն կրկին կալանավորվել է

Տանը կալանքի տակ գտնվող Բրազիլիայի նախկին նախագահ Ժայր Բոլսոնարուն կրկին բերման է ենթարկվել իրավապահների կողմից։ Ինչպես հաղորդում է Reuters-ը՝ վկայակոչելով քաղաքական գործչի փաստաբան Չելսո Վիլարդիին, ոստիկանները առանց պատճառաբանության նրան տեղափոխել են քրեակատարողական հիմնարկ։

Հնարավոր պատճառի մասին աղբյուրը հայտնել է, որ Բոլսոնարուն ենթադրաբար խախտել է տնային կալանքի պայմանները, ինչը դարձել է իրավապահների գործողությունների հիմքը։ Հիշեցնենք, որ սեպտեմբերի 12-ին Բրազիլիայի Գերագույն դաշնային դատարանը նրան դատապարտել էր 27 տարի 3 ամիս ազատազրկման՝ պետական հեղաշրջման փորձի կազմակերպման մեղադրանքով, սակայն հետագայում նրա համար սահմանվել էր տնային կալանք։

Սեպտեմբերի 17-ին քաղաքական գործիչը հոսպիտալացվել էր Բրազիլիայում՝ առողջական վիճակի վատթարացման պատճառով։ Բժիշկները նրա մոտ նաև որոշել էին մաշկի քաղցկեղ։