ՌԴ ՊՆ ղեկավարը հայտարարել է, որ Զվանովկայում ուկրաինացի զինյալները փախուստի են դիմել

Ռուսաստանի պաշտպանության նախարար Անդրեյ Բելոուսովը հայտարարել է, որ Դոնեցկի ժողովրդական հանրապետության Զվանովկա բնակավայրը գրավելու ընթացքում ուկրաինացի զինյալները փախուստի են դիմել։ Ինչպես հաղորդում է РИА Новости-ն, նախարարը շնորհավորել է 88-րդ առանձին մոտոհրաձգային բրիգադի զինծառայողներին տարածքը վերահսկողության տակ վերցնելու համար։

Բելոուսովը ընդգծել է, որ ստորաբաժանման անձնակազմի քաջությունն ու հաստատակամությունը հնարավորություն են տալիս հաջողությամբ իրականացնել մարտական առաջադրանքները և զգալի ներդրում ունենալ ընդհանուր ռազմաճակատի առաջխաղացման գործում։

Ավելի վաղ հաղորդվել էր, որ ռուսական ուժերը գրավել են Զվանովկան։ Նշվում է, որ բնակավայրի «ազատագրման» գործողությանը մասնակցել են «Հարավ» խմբավորման զինծառայողները, իսկ մինչ այդ «Արևելք» խմբավորման ստորաբաժանումները վերահսկողության տակ էին վերցրել Դնեպրոպետրովսկի մարզի Ռադոստնոյեն։