Վենսը պատասխանել է Ուկրաինայի վերաբերյալ ԱՄՆ ծրագրի քննադատությանը

ԱՄՆ փոխնախագահ Ջեյ Դի Վենսը իր սոցցանցերի էջում գրել է, որ Ուկրաինայում կարգավորման ամերիկյան ծրագրի քննադատությունը ցույց է տալիս իրականության թյուրըմբռնումը։

«Վարչակազմի կողմից մշակվող խաղաղության համաձայնագրի ցանկացած քննադատություն կամ սխալ է հասկանում այն, կամ սխալ է ներկայացնում տեղում առկա որոշ կարևորագույն իրողություններ», - նշել է նա։

Նա նաև գրել է, որ Ուկրաինայում հակամարտության կարգավորման ցանկացած ծրագիր պետք է ընդունելի լինի և՛ Մոսկվայի, և՛ Կիևի համար։ Նա նշել է, որ նման ծրագիրը պետք է նաև մեծացնի հակամարտության վերսկսումը կանխելու հնարավորությունները։