Քիմգործարանում երիտասարդի մահվան փաստով հարուցվել է քրեական գործ

Ոստիկանության քննչական գլխավոր վարչության Լոռու մարզի քննչական բաժնի պետ Թաթուլ Շուշանյանի կողմից այսօր՝ հուվարի 21-ին, քրեական գործ է հարուցվել ՀՀ քրօրի 231 հոդվածի 2-րդ մասի (պայթյունավտանգ օբյեկտներում անվտանգության կանոնները խախտելը, որը առաջացրել է մարդու մահ) հատկանիշներով:

Ինչպես հայտնում է shamshyan.com-ը, նշված քրեական գործը հարուցվել է այսօր Վանաձորի քիմիական գործարանում տեղի ունեցած պայթյունի հետևանքով 22 այմա Դավիթ Ասատրյանի մահվան փաստով: 

Հիշեցնենք, որ Վանաձոր քաղաքի քիմիական գործարանում, դեռևս անհայտ պայմաններում, պայթյուն էր հնչել, ինչի հետևանքով մեկ հոգի մահացել էր:

Ըստ տեղեկությունների՝ եղել են նաև վիրավորներ: Ֆոտոլրագրողը դեպքի վայրից հայտնել էր, որ Ոստիկանության Լոռու մարզային վարչության և Ոստիկանության Վանաձորի բաժնի օպերատիվ-քննչական խմբերը՝ մարզի ոստիկանապետ Անուբաղ Ղամբարյանի և մարզի քննչական բաժնի պետ Թաթուլ Շուշանյանի գլխավորությամբ, պարզել են, որ մահացածը 22-ամյա Դավիթ Ասատրյանն էր, ով նշված գործարանում աշխատում էր որպես «գազավիկ»: Մահացածի մարմինը պայթյունի հետևանքով մասերի էր բաժանվել:

Ոստիկանությունը նաև ճշտել է, որ այլ զոհեր չկան:

Ֆոտոլրագրողը հայտնում էր, որ Վանաձորի քիմիական գործարանի աշխատակիցները խոչընդոտել են News.am-ի թղթակցի՝ Էդուարդ Արզումանյանի աշխատանքները, անգամ վնասել են նրա ֆոտոխցիկը: