Հայտնի են դարձել Բաքվում ձերբակալված ադրբեջանցի «օրենքով գողերի» ինքնությունը

Հայտնի են դարձել հունվարի 19-ին Բաքվի Խաթայ շրջանում գտնվող «Ֆերաթ» թեյատանը ձերբակալվածների ինքնությունը:

Ադրբեջանի ՆԳՆ-ի տվյալներով ձերբակալվածների թվում են Սումգայիթի բնակիչներ, նախկինում դատված Էթիբար Աբասովը, նախկինում դատված Նաթիկ Աթակիշիև, Նաթիգ Մամեդովը, ՌԴ քաղաքացիներ Խալիդ Ումուդովը, նախկինում դատված Ասկեր Ասկերովը, Ադրբեջանի Թովուզյան շրջանի բնակիչներ Նեմաթ Աբդուլաևը, Բաքվի բնակիչներ Էլման Ալիևը, նախկինում դատված Էթիգ էյվազովը, Էմին Էյվազովը, Զաուր Մամեդովը, Շաքի քաղաքի բնակիչ Ռամիլ Աղասիև:

Զննման ժամանակ Աբասի մոտ հայտնաբերվել է «Մակարով» տեսակի մեկ ատրճանակ և 11 գրամ հերոին, Ումուդովի մոտ «ՏՏ» տեսակի ատրճանակ և 5.200 գրամ հերոին, Ալիևի մոտ «Նագան» տեսակի ատրճանակ, Մամեդովի մոտ 3 գրամ հերոին, Ասկերովի մոտ 2.150 գրամ հերոին, Աթակիշևի մոտ 3.074 գրամ հերոին, Աբդուլաևի մոտ 3.60 գրամ հաշիշ: 

ИА REGNUM գործակալության տեղեկատվության համաձայն ադրբեջանցի քրեական հեղինակությունները հավաքվել էին ռեստորանում քննարկելու հունվարի 16-ին Մոսկվայում սպանված «օրենքով գող» Ասլան Ուսոյանի (Դեդ Հասանի) հուղարկավորության արարողությանը մասնակցելու հարցը: