Ձերբակալվել է Սյունիքի մարզի դատախազի նախկին տեղակալ Էդիկ Հովսեփյանը

Այսօր՝ հունվարի 23-ին, ՀՀ ոստիկանության քննչական գլխավոր վարչության հատկապես կարեւոր գործերով քննության վարչությունում ձերբակալվել է Սյունիքի մարզի դատախազի նախկին տեղակալ Էդիկ Հովսեփյանը:

Ինչպես հայտնում է shamshyan.com-ը, Է. Հովսեփյանը մեղադրվում է առանձնապես ծանր հանցագործության՝ սպանության վերաբերյալ հարուցված քրեական գործը քննելու ժամանակ մի շարք ապացույցներ է կեղծել, որին մասնակից են եղել նաեւ Ոստիկանության քննչական գլխավոր վարչության Սյունիքի մարզի քննչական բաժնի նախկին քննիչ Արմեն Ենգոյանը եւ Ոստիկանության Կապանի բաժնի պետի օպերատիվ գծով նախկին տեղակալ Գագիկ Դանիելյանը:

2012թ.-ի դեկտեմբերին Երեւանի Կենտրոն-Նորք Մարաշ վարչական շրջանների ընդհանուր իրավասության դատարանի որոշմամբ՝ Ա. Ենգոյանն ու Գ. Դանիելյանը կալանավորվել էին:

Ֆոտոլրագրողը հայտնում է նաեւ, որ նշված պաշտոնյաները ապացույցները կեղծելու եղանակով կալանավորել էին Արմավիրի մարզի բնակիչ ոմն Սահակի, ով իբրեւ մասնակցություն է ունեցել Գրիգոր Պապյանի սպանության մեջ: Այդ դեպքի մանրամասները Shamshyan.com-ը առաջիկայում ավելի մանրամասն կներկայացնի: