Սթրոս-Կանին կհարցաքննեն մարմնավաճառություն կազմակերպելու գործով

Արժույթի միջազգային հիմնադրամի նախկին տնօրեն Դոմինիկ Սթրոս-Կանին կրկին հարցաքննության են կանչել Ֆրանսիայի հյուսիսում գտնվող Լիլ քաղաքի հյուրանոցներից մեկում մարմնավաճառություն կազմակերպելու գործով. գրում է AFP-ն:

Սթրոս-Կանը քննիչների հետ հանդիպելու է հինգշաբթի օրը Լիլ քաղաքի արդարադատության պալատում: Այս գործով հետաքննությունն արդեն շարունակվում է 1 տարուց ավել: Ըստ հետաքննության՝ գործի բոլոր մասնակիցները, որոնց թվում՝ և Սթրոս–Կանը, երեկույթներ էին կազմակերպում Ֆրանսիայում և նրա սահմաններից դուրս, որոնց ժամանակ հրավիրում էին մարմնավաճառների:

Ակնկալվում է, որ գործի լսումը կավարտվի 2013թ. ամռանը: